اسلام آباد (ویب ڈیسک)– نیشنل ڈیزاسٹر مینجمنٹ اتھارٹی (این ڈی ایم اے) کے نیشنل ایمرجنسیز آپریشن سینٹر نے 6 تا 11 مارچ 2026 کے دوران ملک میں ممکنہ موسمی صورتحال کے حوالے سے جائزہ جاری کر دیا ہے۔
این ڈی ایم اے کی پیش گوئی کے مطابق اگلے ہفتے ملک کے بیشتر علاقوں میں مجموعی طور پر موسم خشک رہنے کا امکان ہے، جبکہ درجہ حرارت میں غیر معمولی اضافہ بھی متوقع ہے۔
-
پنجاب: زیادہ تر اضلاع میں موسم خشک رہے گا۔ 9 تا 11 مارچ کے دوران بعض علاقوں میں آندھی اور تیز ہواؤں کے ساتھ ہلکی بارش کی توقع ہے۔
-
خطہ پوٹھوہار (اسلام آباد، راولپنڈی، اٹک، چکوال، جہلم، میانوالی): 9 تا 11 مارچ کے دوران ہلکی بارش اور ابر آلود موسم کا امکان۔
-
بلوچستان: بیشتر علاقوں میں موسم خشک اور گرم رہے گا۔ شمالی بلوچستان (کوئٹہ، ژوب، زیارت، قلات) میں 7 تا 9 مارچ ہلکی بارش اور جزوی ابر آلود موسم متوقع۔
-
خیبر پختونخواہ: 6 تا 11 مارچ موسم خشک اور گرمی کی شدت میں اضافہ متوقع۔ چترال، دیر، ہری پور، کرک، کوہاٹ، کوہستان، خیبر، کرم، مانسہرہ، مہمند، نوشہرہ، مالاکنڈ، چارسدہ، ایبٹ آباد، بنوں، بونیر، پشاور، صوابی اور گردونواح میں ہلکی بارش متوقع۔
-
سندھ: خشک موسم اور دن کے درجہ حرارت میں معمول سے زیادہ اضافہ متوقع۔
-
گلگت بلتستان اور آزاد کشمیر: استور، گلگت، اسکردو، دیامر، غذر، ہنزہ، نگر، مظفرآباد، نیلم، ہٹیاں بالا، باغ، حویلی اور پونچھ میں چند مقامات پر ہلکی بارش اور جزوی ابر آلود موسم کا امکان۔
این ڈی ایم اے کا کہنا ہے کہ خشک موسم اور گرمی کی شدت میں اضافہ فصلوں پر اثر ڈال سکتا ہے، لہذا کسان حضرات موسم کے پیش نظر موثر آبپاشی کا بندوبست یقینی بنائیں۔
این ڈی ایم اے تمام متعلقہ اداروں اور عوام کو موسمی صورتحال اور ممکنہ خطرات سے پیشگی آگاہی فراہم کر رہا ہے۔
