اسلام آباد:سلمان خان نے بھارتی کاروباری شخصیت مکیشں امبانی کے بیٹے اننت امبانی اور رادھیکا مرچنٹ کی شادی پراپنی رائے کا اظہارکیا۔
اس سے قبل اننت امبانی اور رادھیکا کی شادی کی تقریبات میں ہالی ووڈ اور بالی ووڈ سے مشہور شخصیات نے شرکت کی تھی۔
اب سوشل میڈیا پر سلمان خان نے اننت امبانی اور رادھیکا کی شادی کی تصویر شیئر کرتے ہوئے جوڑے کو مبارک باد دی اور ان کے مستقبل کے لیے نیک خواہشات کا اظہار کیا۔
سلمان خان نے اپنے پیغام میں لکھا کہ میں نے آپ کی ایک دوسرے کے لیے اور ایک دوسرے کے خاندانوں کے لیے محبت دیکھی، کائنات نے آپ کو ملایا ہے۔
بالی ووڈ اداکار نے جوڑے کے لیے نیک خواہشات کا اظہار کرتے ہوئے لکھا کہ آپ کے والدین بننے پر ڈانس کرنے کا انتظار نہیں کر سکتا۔
