ایرانی حملوں کے بعد قطر نے اپنا بڑا ایل این جی (LNG) پروڈکشن پلانٹ عارضی طور پر بند کر دیا ہے، جس کے باعث عالمی سطح پر گیس کی سپلائی شدید متاثر ہوئی ہےغیر ملکی میڈیا کے مطابق قطر کے اہم پروڈکشن زون کو حملوں میں نشانہ بنایا گیا ہے، جہاں اس وقت نقصانات کا جائزہ لیا جا رہا ہے۔ یہ وہ علاقہ ہے جہاں سے قطر دنیا بھر کو مائع قدرتی گیس (LNG) برآمد کرتا ہے۔ماہرین کا کہنا ہے کہ اس اقدام کے اثرات پاکستان پر بھی مرتب ہو سکتے ہیں، کیونکہ ملک میں توانائی کی طلب کے مقابلے میں سپلائی پہلے ہی محدود ہے۔ اس وجہ سے پاکستان میں گیس کے بڑے بحران کا خدشہ ہے، اور صارفین کو بجلی و گیس کی قیمتوں میں اضافے کا سامنا کرنا پڑ سکتا ہے۔حکام نے کہا ہے کہ صورتحال کو مدنظر رکھتے ہوئے توانائی کے متبادل ذرائع پر کام تیز کیا جا رہا ہے تاکہ ممکنہ بحران سے بچا جا سکے۔
