سری لنکا کے ساحل کے قریب ایرانی جہاز پر مبینہ طور پر سب میرین حملہ کیا گیا، جس کے نتیجے میں 101 افراد لاپتا ہو گئے اور 32 کو بچا لیا گیا ہے، رائٹرز کے مطابق سری لنکن نیوی ذرائع نے یہ اطلاع دی ہے۔متاثرہ علاقے میں لاپتا افراد کی تلاش کے لیے ریسکیو آپریشن جاری ہے۔ الجزیرہ کی رپورٹ کے مطابق گالے کے ساحل سے تقریباً 40 کلومیٹر دور کشتی سے ڈسٹریس سگنل موصول ہوا، جس کے بعد سری لنکن حکام نے زندہ بچ جانے والوں کی مدد کے لیے کشتیاں روانہ کیں۔ایرانی سفارت کار سری لنکن سرحد کے قریب کشتی ڈوبنے کی وجوہات جاننے میں مصروف ہیں۔ علاوہ ازیں، ایرانی سفیر نے سری لنکن اسپتال کا دورہ کیا اور بچ جانے والوں سے ملاقات کی۔حکام کا کہنا ہے کہ ریسکیو کارروائیاں تاحال جاری ہیں اور کوشش کی جا رہی ہے کہ مزید افراد کو محفوظ نکالا جائے۔
