ایران کے صدر مسعود پزشکیان کا عیدالفطر پر اسلامی اور ہمسایہ ممالک کے لیے بھائی چارے کا پیغام

تہران (ویب ڈیسک) ایران کے صدر مسعود پزشکیان نے عیدالفطر کے موقع پر اسلامی اور ہمسایہ ممالک کے سربراہان کو پیغام بھیجا ہے۔

ایرانی میڈیا کے مطابق صدر پزشکیان نے پیغام میں واضح کیا کہ اسلامی اور ہمسایہ ممالک ہمارے بھائی ہیں اور ہمارے درمیان کوئی تنازعہ نہیں ہے۔

صدر نے اپنے پیغام میں مزید کہا کہ ہمارے درمیان اختلافات سے صرف صہیونی ریاست فائدہ اٹھا رہی ہے۔

مسعود پزشکیان نے عید کے موقع پر دعا کی کہ اللہ تعالیٰ ہمیں طاقت اور اتحاد عطا کرے تاکہ ہم نبی پاک صلی اللہ علیہ وسلم کی تعلیمات پر عمل کر کے اللہ کی رضا حاصل کر سکیں۔

اس سے قبل ایران کے وزیر خارجہ عباس عراقچی نے کہا تھا کہ یہ ہماری جنگ نہیں بلکہ ہم پر مسلط کی گئی ہے۔ ہم دفاعی اقدامات کر رہے ہیں اور جب تک ضروری ہوگا اپنی حفاظت جاری رکھیں گے۔

جاپانی میڈیا کو دیے گئے انٹرویو میں عراقچی نے کہا کہ ہم امریکا سے مذاکرات کر رہے تھے جب امریکا اور اسرائیل نے حملہ کیا۔ امریکی اور اسرائیلی اقدامات غیر قانونی، بلاجواز اور بلا اشتعال جارحیت ہیں۔