لندن (ویب ڈیسک): ایران کے تناظر میں بڑھتی ہوئی کشیدگی کے دوران برطانیہ کی جوہری ہتھیاروں سے لیس آبدوز بحیرہ عرب پہنچ کر اپنی پوزیشن سنبھال چکی ہے۔
برطانوی ذرائع کے مطابق یہ آبدوز دور مار کرنے والے کروز میزائلوں سے لیس ہے اور ایران تک حملہ کرنے کی صلاحیت رکھتی ہے۔ اس پر ایک ہزار میل تک مار کرنے والے میزائل اور جدید آبی گولے نصب ہیں۔
رپورٹ میں بتایا گیا ہے کہ یہ آبدوز آسٹریلیا سے تقریباً 5500 میل کا طویل سفر طے کر کے بحیرہ عرب پہنچی۔ یہ جدید آبدوز ہر چوبیس گھنٹے بعد رابطے کے لیے سمندر کی سطح کے قریب آتی ہے۔
ماہرین کے مطابق خطے میں اس آبدوز کی موجودگی ایران سے متعلق بڑھتی ہوئی صورتحال کے پیشِ نظر اہم پیش رفت قرار دی جا رہی ہے۔
