حیدرآباد (ویب ڈیسک) – سندھ حکومت نے امتحانات میں نقل کی روک تھام کے لیے واٹر مارکنگ سسٹم نافذ کرنے کا فیصلہ کر لیا ہے۔
صوبائی وزیر بورڈ اسماعیل راهو کی صدارت میں امتحانات کی تیاریوں کے حوالے سے اجلاس منعقد ہوا، جس میں بتایا گیا کہ موجودہ حالات کے باوجود امتحانات شیڈول کے مطابق ہوں گے اور صوبے میں 1600 سے زائد امتحانی مراکز قائم کیے گئے ہیں۔
اسماعیل راهو نے کہا کہ کراچی میں انٹر کے امتحانات 25 اپریل اور میٹرک کے امتحانات 7 اپریل سے شروع ہوں گے، جبکہ سکھر ڈویژن میں میٹرک کے امتحانات 30 مارچ اور انٹر کے امتحانات 15 اپریل سے شروع ہوں گے۔
وزیر بورڈ نے مزید کہا کہ واٹر مارکنگ سسٹم کے ذریعے پیپر لیک کرنے والوں کا فوری پتا لگایا جا سکے گا، اور امتحانی مراکز کی نگرانی کے لیے صوبائی سطح پر شکایتی سیل بھی قائم کیا جائے گا۔
