لاہور (ویب ڈیسک): لاہور میں نشے کی لت پوری کرنے کے لیے بیوی پر چھریوں سے حملہ کر کے زخمی کرنے والے ملزم کو پولیس نے گرفتار کر لیا ہے۔
پولیس کے مطابق ملزم الماس کو ضلع قصور میں کارروائی کے دوران حراست میں لیا گیا۔ Asad Ali کے مطابق ملزم نشے کا عادی ہے اور اپنی بیوی مہناز بی بی کو والدین سے پیسے لانے پر مجبور کرتا تھا۔
پولیس حکام کا کہنا ہے کہ مطالبہ پورا نہ ہونے پر دونوں کے درمیان جھگڑا ہوا، جس پر ملزم نے طیش میں آ کر بیوی پر چھریوں سے حملہ کیا اور فرار ہو گیا۔
حملے کے نتیجے میں مہناز بی بی کے پیٹ، بازو اور ٹانگ پر شدید زخم آئے۔
پولیس نے ملزم کے خلاف اقدام قتل کا مقدمہ درج کر کے تفتیش شروع کر دی ہے، جبکہ حکام کا کہنا ہے کہ ملزم کو قانون کے مطابق سزا دلوائی جائے گی۔
