متحدہ عرب امارات نے اپنے شہریوں کے ایران، عراق اور لبنان کے سفر پر پابندی عائد کر دی ہے۔ غیر ملکی میڈیا کے مطابق یہ فیصلہ خطے کی موجودہ صورتحال کے پیش نظر کیا گیا ہے۔
اماراتی وزارت خارجہ کی جانب سے جاری بیان میں شہریوں کو فوری طور پر ان ممالک کا سفر نہ کرنے کی ہدایت کی گئی ہے۔ مزید کہا گیا ہے کہ یہ سفری پابندی فوری طور پر نافذ العمل ہوگی۔
سوشل میڈیا پلیٹ فارم ایکس پر جاری بیان میں وزارت خارجہ نے ایران، عراق اور لبنان میں موجود اپنے شہریوں کو فوری طور پر وطن واپس آنے کی ہدایت بھی جاری کی ہے۔
