ارت میں تامل ناڈو ایکسپریس کے ایک جنرل کوچ سے سوٹ کیس میں خاتون کی لاش ملنے کے واقعے نے سنسنی پھیلا دی ہے۔ بھارتی میڈیا کے مطابق واقعے کی تحقیقات چنئی، آگرہ اور اوڈیشہ تک پھیل گئی ہیں۔رپورٹس کے مطابق 5 اگست کو آگرہ کینٹ ریلوے اسٹیشن پر ریلوے عملے کو ٹرین کے جنرل کوچ سے ایک لاوارث سرخ ٹرالی بیگ ملا۔ بیگ کی تلاشی کے دوران ایک خاتون کی مسخ شدہ لاش برآمد ہوئی، جس پر ریلوے پولیس نے تحقیقات شروع کردیں
چنئی سینٹرل ریلوے اسٹیشن کی سی سی ٹی وی فوٹیج کے جائزے سے مبینہ طور پر معلوم ہوا کہ 3 اگست کی رات ایک نوجوان لڑکی اور لڑکا اسی طرح کا سرخ سوٹ کیس لے کر دہلی جانے والی ٹرین میں سوار ہوئے تھے
پولیس نے چنئی کے علاقے گڈوونچیری میں ایک کرائے کے مکان پر چھاپہ مارا، جہاں سے مقتولہ کے جسم کے دیگر حصے بھی برآمد کیے گئے۔
پولیس کے مطابق مقتولہ کی شناخت 38 سالہ ایچ نیشا کے طور پر ہوئی ہے، جو اوڈیشہ کے ضلع جگت سنگھ پور سے تعلق رکھتی تھیں اور چنئی کی ایک نجی کمپنی میں ملازمت کرتی تھیں۔
رپورٹس کے مطابق پولیس نے مکان میں رہنے والے مانک الدین لشکر اور بھگوبتی مانجھی کو مرکزی ملزمان قرار دیا ہے۔ دونوں واقعے کے بعد سے مبینہ طور پر فرار ہیں۔ تامل ناڈو پولیس نے ملزمان کی گرفتاری کے لیے خصوصی ٹیمیں اوڈیشہ روانہ کردی ہیں، جبکہ آر پی ایف، جی آر پی اور مقامی پولیس مشترکہ طور پر تحقیقات کر رہی ہیں۔
