اسلام آباد پولیس کے ترجمان نے 6 مارچ 2026 کے لیے شہر میں ٹریفک کی روانی برقرار رکھنے اور شہریوں کی سہولت کے پیش نظر ٹریفک ایڈوائزری جاری کر دی ہے۔ترجمان کے مطابق ریڈ زون میں داخلے کے لیے صرف مارگلہ روڈ اور میریٹ ہوٹل کے قریب موجود راستے کھلے رہیں گے، جبکہ ان کے علاوہ ریڈ زون کی جانب جانے والے تمام داخلی راستے بند رہیں گے۔ایڈوائزری کے مطابق کلثوم پلازہ سے فضل حق روڈ کے ذریعے چائنہ چوک جانے والی سڑک ٹریفک کے لیے بند رہے گی اور شہریوں کو متبادل کے طور پر جناح ایونیو استعمال کرنے کی ہدایت کی گئی ہے۔اسی طرح پولی کلینک سے لال کوارٹر چوک (لقمان حکیم روڈ) تک ٹریفک کے لیے ڈائیورشن رکھی جائے گی جبکہ شہری متبادل راستے کے طور پر صد روڈ استعمال کر سکیں گے۔جی سکس سے ایف سکس جانے والے شہریوں کو ہدایت کی گئی ہے کہ وہ چائنہ چوک انڈر پاس یا سیونتھ ایونیو کے ذریعے جناح ایونیو استعمال کریں۔آبپارہ چوک سے سہروردی روڈ کے راستے سرینہ ہوٹل آنے اور جانے والی ٹریفک کے لیے بھی ڈائیورشن رکھی جائے گی۔پولیس کے مطابق کلب روڈ سے آنے والی ٹریفک کو کشمیر چوک کے ذریعے سری نگر ہائی وے کی جانب موڑا جائے گا، جہاں سے شہری سیونتھ ایونیو یا مارگلہ روڈ استعمال کر سکیں گے۔ اسی طرح بھارہ کہو سے آنے والے شہریوں کو بھی کشمیر چوک کے راستے سری نگر ہائی وے، سیونتھ ایونیو اور مارگلہ روڈ استعمال کرنے کی ہدایت کی گئی ہے۔اسلام آباد پولیس نے شہریوں سے اپیل کی ہے کہ وہ سفر سے قبل متبادل راستوں کا انتخاب کریں اور ٹریفک اہلکاروں کے ساتھ تعاون کریں۔مزید معلومات کے لیے شہری پکار 15 یا ٹریفک ہیلپ لائن 1915 پر رابطہ کر سکتے ہیں جبکہ تازہ ٹریفک صورتحال جاننے کے لیے آئی ٹی پی ایف ایم 92.4 بھی سن سکتے ہیں۔
