امریکا نے بھارت کو روس سے ایک ماہ کے لیے خام تیل خریدنے کی عارضی رعایت دے دی ہے۔غیر ملکی میڈیا رپورٹس کے مطابق ایران سے جاری جنگ کے باعث عالمی تیل مارکیٹ میں دباؤ بڑھنے کے بعد امریکا نے بھارت کو 30 دن کے لیے روسی خام تیل خریدنے کی محدود اجازت دی ہے۔رپورٹس کے مطابق امریکی وزیر خزانہ اسکاٹ بیسنٹ کا کہنا ہے کہ یہ رعایت صرف سمندر میں موجود روسی تیل کی مخصوص کھیپ کی خریداری تک محدود ہو گی اور اس سے روس کو کوئی بڑا مالی فائدہ نہیں ہوگا۔خبر رساں ادارے رائٹرز کے مطابق امریکا کے دو اعلیٰ حکام نے بتایا ہے کہ واشنگٹن نے روس کے توانائی کے شعبے پر عائدپابندیوں کے باوجود بعض مخصوص ترسیلات کو آگے بڑھانے کے لیے 30 دن کی عارضی چھوٹ کی منظوری دی ہے۔رپورٹس کے مطابق اس فیصلے کا مقصد عالمی تیلسپلائی میں ممکنہ خلل کو کم کرنا اور توانائی کی منڈی کو مزید دباؤ سے بچانا بھی ہے
