ڈونلڈ ٹرمپ نے کہا ہے کہ ایران کے اگلے سپریم لیڈر کے انتخاب کے عمل میں انہیں بھی شامل کیا جانا چاہیے۔تفصیلات کے مطابق صدر ٹرمپ نے امریکی نیوز ویب سائٹ ‘ایگزیوس’ کو انٹرویو دیتے ہوئے کہا کہ آیت اللہ خامنہ ای کے بیٹے مجتبیٰ خامنہ ای کو اگلا سپریم لیڈر بنانے کی کوشش محض وقت کا ضیاع ہے اور وہ اس انتخاب کو قبول نہیں کریں گے۔صدر ٹرمپ نے زور دیا کہ ایران کے اگلے سپریم لیڈر کے انتخاب میں انہیں بھی شامل کیا جانا چاہیے، جیسا کہ وینزویلا کے معاملے میں ہوا تھا۔انہوں نے ایرانی پاسدارانِ انقلاب (IRGC)، فوج اور پولیس کو مخاطب کرتے ہوئے کہا کہ “ایرانی فوجی ارکان یا تو ہتھیار ڈال دیں یا پھر یقینی موت کا سامنا کرنے کے لیے تیار رہیں۔ اب وقت آگیا ہے کہ ایرانی سفارتکار اپنی موجودہ حکومت کے خلاف بغاوت کر دیں۔”صدر ٹرمپ نے ‘این بی سی نیوز’ سے گفتگو میں ایران میں امریکی زمینی فوج بھیجنے کے امکان کو مسترد کرتے ہوئے اسے وقت کا ضیاع قرار دیا۔ ان کا کہنا تھا کہ ایران پہلے ہی اپنی بحریہ اور اہم عسکری اثاثے کھو چکا ہے، اور امریکا اس لڑائی میں ایران سے کہیں زیادہ سنجیدہ ہے، اور ان کا اولین ہدف موجودہ ایرانی نظام کا خاتمہ ہے۔
