مشرقی وسطیٰ میں جاری کشیدگی کے پیش نظر معطل ہونے والے فضائی آپریشن کو اتحاد ایئرویز نے بتدریج بحال کرنا شروع کر دیا ہے۔فضائی کمپنی نے 6 مارچ 2026 سے پاکستان سمیت دنیا بھر کے 50 اسٹیشنز کے لیے اپنی پروازیں دوبارہ شروع کرنے کا باضابطہ اعلان کیا ہے۔ترجمان اتحاد ایئرویز نے کہا کہ پاکستان کے تین بڑے شہروں کراچی، لاہور اور اسلام آباد کے لیے فلائٹ آپریشن آج سے مکمل طور پر بحال کر دیا گیا ہے۔ اس کے ساتھ ہی یورپ، برطانیہ اور وسطی ایشیا کے لیے بھی پروازیں بحال کی جا رہی ہیں۔ایئر لائن نے بتایا کہ دنیا بھر کے مجموعی طور پر 50 اسٹیشنز پر آپریشن دوبارہ شروع کیا جا رہا ہے اور 6 سے 19 مارچ تک کے لیے جامع فلائٹ آپریشن پلان مکمل کر لیا گیا ہے تاکہ مسافروں کو کسی دشواری کا سامنا نہ کرنا پڑے۔اتحاد ایئرویز نے مسافروں کو ہدایت کی ہے کہ وہ ایئرپورٹ روانگی سے قبل اپنی پروازوں کا شیڈول ویب سائٹ یا ہیلپ لائن کے ذریعے کنفرم کر لیں۔ترجمان نے مزید بتایا کہ مشرقی وسطیٰ کی موجودہ صورتحال کو مدنظر رکھتے ہوئے تمام پروازوں کی نگرانی کی جا رہی ہے تاکہ مسافروں کی حفاظت یقینی بنائی جا سکے۔
