دبئی/دوحہ (ویب ڈیسک): ایران نے دبئی اور دوحہ کے بعض مخصوص علاقوں میں ممکنہ حملوں کی وارننگ جاری کر دی ہے، جس کے بعد خطے میں ہائی الرٹ کی صورتحال پیدا ہو گئی ہے۔
ایرانی میڈیا آپریشنز سینٹر کی جانب سے جاری بیان میں کہا گیا ہے کہ متعلقہ علاقوں کے رہائشی چند گھنٹوں کے اندر علاقہ خالی کر دیں۔ ایران کا دعویٰ ہے کہ جن مقامات کو نشانہ بنایا جا سکتا ہے وہاں امریکی فوجی اہلکار موجود ہیں۔
سنگین صورتحال کے پیشِ نظر Dubai International Airport پر ڈرون حملے کی اطلاعات کے بعد طیاروں کی لینڈنگ عارضی طور پر معطل کر دی گئی۔ دبئی آنے والی متعدد پروازوں کو ایئرپورٹ سے دور فضا میں ‘ہولڈنگ پیٹرن’ پر رکھا گیا تاکہ کسی بھی ممکنہ خطرے سے بچا جا سکے۔
مقامی انتظامیہ نے سڑکوں پر موجود ڈرائیورز کو ہدایت کی ہے کہ وہ ہنگامی اقدامات کے باعث متبادل راستے اختیار کریں، تاکہ امدادی اور سیکیورٹی سرگرمیوں میں رکاوٹ نہ آئے۔
حکام کے مطابق صورتحال پر مسلسل نظر رکھی جا رہی ہے جبکہ شہریوں کو سرکاری ہدایات پر عمل کرنے کی تاکید کی گئی ہے۔
