ایران کے نئے سپریم لیڈر مجتبیٰ خامنہ ای کی صحت اور موجودہ مقام کے حوالے سے مختلف افواہیں گردش کر رہی ہیں، تاہم ایرانی حکام نے ان کی حالت کو مستحکم قرار دیا ہے۔کویتی اخبار “الجریدہ” نے ایرانی ذرائع کے حوالے سے دعویٰ کیا ہے کہ مجتبیٰ خامنہ ای 28 فروری کو امریکا اور اسرائیل کے حملے میں زخمی ہوئے تھے، جس کے بعد انہیں خفیہ طور پر علاج کے لیے روس کے دارالحکومت ماسکو منتقل کیا گیا۔رپورٹ کے مطابق انہیں ایک روسی فوجی طیارے کے ذریعے تہران سے ماسکو لے جایا گیا، جہاں ان کی سرجری بھی کی گئی اور اب وہ ایک محفوظ طبی مقام پر زیرِ علاج ہیں۔میڈیا رپورٹس میں یہ بھی کہا گیا ہے کہ روسی صدر ولادیمیر پوتن نے ایرانی صدر مسعود پیزشکیان کے ساتھ بات چیت کے دوران انہیں روس منتقل کرنے کی تجویز دی تھی۔دوسری جانب، کچھ ذرائع کے مطابق خامنہ ای کے پاؤں میں فریکچر، چہرے اور آنکھ کے قریب زخم آئے ہیں، تاہم ان کی حالت خطرے سے باہر بتائی جا رہی ہے۔ایرانی وزارت خارجہ کے ترجمان اسماعیل بگھائی نے ایک انٹرویو میں کہا کہ مجتبیٰ خامنہ ای زخمی ضرور ہیں لیکن ان کی حالت مستحکم ہے، جبکہ ان کی عوامی سطح پر پہلی تقریر کے حوالے سے تاحال کوئی حتمی وقت نہیں بتایا گیا۔واضح رہے کہ ان تمام خبروں کی آزادانہ تصدیق ممکن نہیں ہو سکی ہے، اور ایران کی جانب سے مکمل تفصیلات جاری نہیں کی گئیں۔
