واشنگٹن: امریکی سینٹرل کمانڈ (سینٹ کام) نے ایران کے پاسدارانِ انقلاب کی جانب سے امریکی لڑاکا طیاروں کو تباہ کرنے کے دعوؤں کو سختی سے مسترد کر دیا ہے۔امریکی حکام کے مطابق ایرانی دعوے بے بنیاد اور حقیقت کے منافی ہیں۔ سینٹ کام کی جانب سے جاری اعلامیے میں کہا گیا ہے کہ ایران کی طرف سے امریکی طیارے مار گرانے کا بیان محض پروپیگنڈا ہے۔حکام کا کہنا ہے کہ ایران کسی بھیامریکی لڑاکا طیارے کو نشانہ بنانے میں ناکام رہا ہے اور امریکی فضائیہ نے کارروائیوں کے دوران اپنی مکمل برتری برقرار رکھی ہے۔اعلامیے میں مزید کہا گیا ہے کہ امریکی نیوی، فضائیہ اور میرین کور کے تمام طیارے اپنے مشنز جاری رکھے ہوئے ہیں اور کسی بھی طیارے کو کوئی نقصان نہیں پہنچا۔واضح رہے کہ خطے میں بڑھتی ہوئی کشیدگی کے باعث دونوں جانب سے حملوں اور دفاعی کامیابیوں کے دعوے کیے جا رہے ہیں، تاہم امریکی حکام نے اپنی فوجی صلاحیتوں کو مکمل طور پر محفوظ اور فعال قرار دیا ہے۔
