روس ایران کو سیٹلائٹ تصاویر اور ڈرون ٹیکنالوجی فراہم کر رہا ہے.امریکی اخبار کا دعویٰ

واشنگٹن/ماسکو : امریکی اخبار The Wall Street Journal نے اپنی تازہ رپورٹ میں دعویٰ کیا ہے کہ روس ایران کو سیٹلائٹ تصاویر اور ڈرون ٹیکنالوجی فراہم کر رہا ہے۔

خبر رساں ادارے Reuters کے مطابق، وال اسٹریٹ جرنل کی رپورٹ میں کہا گیا ہے کہ روس نے ایران کے ساتھ انٹیلی جنس شیئرنگ اور عسکری تعاون میں نمایاں اضافہ کر دیا ہے۔

رپورٹ کے مطابق ماسکو کی جانب سے فوجی تعاون اور انٹیلی جنس شیئرنگ بڑھانے کا مقصد ایران کی مدد کرنا ہے تاکہ وہ خطے میں امریکی اور اسرائیلی افواج کو مؤثر طریقے سے نشانہ بنا سکے۔

اخبار کے مطابق روس اپنے مشرقِ وسطیٰ کے قریبی اتحادی کو جنگ میں برقرار رکھنا چاہتا ہے، کیونکہ کشیدگی اور جنگی صورتحال برقرار رہنے سے ماسکو کو عسکری اور اقتصادی فوائد حاصل ہو رہے ہیں۔

تاحال روس یا ایران کی جانب سے اس رپورٹ پر کوئی باضابطہ ردِعمل سامنے نہیں آیا۔