سعودی سفارتخانے نے شام کے دارالحکومت دمشق میں نیا ویزا دفتر کھولنے کا اعلان کر دیا ہے، جسے دونوں ممالک کے درمیان تعلقات میں اہم پیش رفت قرار دیا جا رہا ہے۔
سعودی حکام کے مطابق نیا دفتر مختلف اقسام کی ویزا درخواستیں وصول کرے گا۔ ان میں عام مسافروں کے علاوہ کاروباری افراد اور مال بردار شعبے سے وابستہ افراد کے لیے ویزا درخواستیں بھی شامل ہوں گی۔سعودی سفارتخانے کا کہنا ہے کہ اس اقدام کا مقصد سعودی عرب اور شام کے درمیان سفری اور تجارتی نقل و حرکت کو آسان بنانا ہے۔
بیان کے مطابق ویزا دفتر کا قیام دونں ممالک کے درمیان دوطرفہ اقتصادی تعلقات مضبوط بنانے کی مشترکہ کوششوں کا حصہ ہے۔ سعودی عرب شام کی معاشی بحالی میں تعاون اور دونوں ملکوں کے درمیان تجارتی و اقتصادی روابط کے فروغ کے لیے بھی اقدامات کر رہا ہے۔
