ایک شخص نے مسجد الحرام میں اپنے غیر معمولی قد کی وجہ سے ان دنوں لوگوں کی توجہ حاصل کی ہوئی ہے۔
عرب میڈیا کے مطابق اس لمبے قد کے شخص کی ویڈیو سوشل میڈیا پر بھی وائرل ہو رہی ہے۔
ویڈیوز میں اس شخص کو طواف کرتے اور اس کے پہلے اور بعد کے رکن ادا کرتے دیکھا جا سکتا ہے۔
خانۂ کعبہ کے طواف کے دوران اس شخص کے قد کا فرق باقی زائرین میں نمایاں تھا۔
عرب میڈیا کے مطابق اس شخص کی شناخت باضابطہ طور پر نہیں ہو سکی ہے لیکن اس کی جِلد کا رنگ بتاتا ہے کہ وہ افریقی ہے۔
رپورٹس کے مطابق یہ بھی امکان ظاہر کیا جا رہا ہے کہ یہ شخص دنیا کے قد آور مردوں میں سے ایک ہو۔
