نیوز ڈیسک
برطانیہ سے تعلق رکھنے والی 99 سالہ ہیلگا ڈفی نے طیارے کے دوران وِنگ واکنگ کا مظاہرہ کرکے دنیا کی معمر ترین وِنگ واکر ہونے کا عالمی ریکارڈ اپنے نام کر لیا۔
وِنگ واکنگ ایک منفرد اور خطرناک کرتب ہے جس میں ایک شخص پرواز کرتے ہوئے طیارے کے پروں پر چلتا ہے۔ ہیلگا ڈفی نے یہ حیران کن کارنامہ برطانیہ کے علاقے گلوسٹرشائر کے قصبے سائرسٹر میں واقع آر ایف سی ممبی فیلڈ کے مقام پر انجام دیا، جہاں انہوں نے ایک چھوٹے طیارے کے اوپری حصے پر نصب پلیٹ فارم سے وِنگ واکنگ کی۔
ہیلگا ڈفی کو اس منفرد کارنامے کا خیال اگست 2026 میں 97 سالہ بیٹی برومیج کی کامیابی سے ملا، جنہوں نے صحت یاب ہونے کے بعد وِنگ واکنگ کرکے گنیز ورلڈ ریکارڈ قائم کیا تھا۔
ایک کیئر ہوم میں مقیم ہیلگا ڈفی نے اپنے تجربے کو غیر معمولی قرار دیتے ہوئے کہا کہ وہ اس دوران خوف زدہ ہونے کے ساتھ ساتھ بے حد پُرجوش بھی تھیں۔
گنیز ورلڈ ریکارڈز کی جانب سے ہیلگا ڈفی کو ان کی کامیابی پر عالمی ریکارڈ کا سرٹیفکیٹ بھی دیا گیا۔ ان کی بھانجیوں، جیکی روز اور جولی پریز، نے اس یادگار پرواز کا مشاہدہ کیا اور انہیں ایک خودمختار اور بہادر خاتون قرار دیا۔
دوسری جانب، 97 سالہ بیٹی برومیج نے ہیلگا ڈفی کو عالمی ریکارڈ قائم کرنے پر مبارک باد دی، تاہم انہوں نے عزم ظاہر کیا کہ وہ 100 سال کی عمر میں یہ ریکارڈ توڑنے کی کوشش کریں گی۔
