ںیوز ڈیسک
صوبہ پنجاب کے شہر رحیم یار خان کے شیخ زید اسپتال میں پانچ سالہ بچے کے سینے سے ’بغیر سر والا بچہ‘ کامیابی سے نکال لیا گیا ہے۔
بی بی سی اردو کے مطابق یہ پیچیدہ سرجری پیر کے روز ڈاکٹر سلطان اویسی نے انجام دی۔ ڈاکٹر سلطان کے مطابق آپریشن کے ذریعے نکالا گیا ماس، جسے میڈیکل اصطلاح میں فیٹس ان فیٹو کہا جاتا ہے، بچے کی مرکزی شریان کے قریب موجود تھا۔
ڈاکٹر سلطان نے بتایا کہ اس کیس میں فیٹس کے کئی اعضا پہلے ہی بن چکے تھے، لیکن پانچ سال تک اس کی تشخیص نہیں ہو سکی تھی۔ ماس میں ریڑھ کی ہڈی، بال، دانت اور دیگر اعضاء موجود تھے، البتہ سر موجود نہیں تھا، اور اس کا وزن تقریباً ایک کلو کے قریب تھا۔
ڈاکٹر سلطان نے مزید بتایا کہ عام طور پر ایسے کیسز پیٹ میں پائے جاتے ہیں، لیکن اس کیس کی انفرادیت بچے کے سینے میں فیٹس کی موجودگی کی وجہ سے تھی۔
