اسلام آباد میں جاری اعلیٰ سطحی مذاکرات میں دنیا کی پانچ بااثر شخصیات شریک ہیں، جن کی موجودگی نے اس عمل کو غیر معمولی اہمیت دے دی ہے۔
ذرائع کے مطابق امریکی نائب صدر جے ڈی وینس بھی مذاکرات میں شریک ہیں، جو سیاسیات، فلسفہ اور قانون کے ماہر ہونے کے ساتھ 2022 میں سینیٹر اور 2024 میں نائب صدر منتخب ہوئے۔
اسی طرح امریکی صدر ڈونلڈ ٹرمپ کے قریبی ساتھی اور خصوصی ایلچی اسٹیو وٹکاف بھی اجلاس میں موجود ہیں، جو ریئل اسٹیٹ کے شعبے میں نمایاں حیثیت رکھتے ہیں۔
مذاکرات میں سابق امریکی صدر کے داماد اور سابق مشیر جیریڈ کشنر بھی شریک ہیں، جنہوں نے ابراہیمی معاہدے میں اہم کردار ادا کیا تھا۔
ایران کی جانب سے باقر قالیباف بھی شریک ہیں، جو تہران کے سابق میئر اور ایرانی پارلیمنٹ کے اسپیکر ہیں، جبکہ سینئر سفارتکار عباس عراقچی بھی مذاکرات کا حصہ ہیں۔
تجزیہ کاروں کے مطابق ان عالمی شخصیات کی شرکت سے اسلام آباد مذاکرات کی اہمیت میں اضافہ ہوا ہے اور اس کے نتائج خطے کی سیاست پر گہرے اثرات مرتب کر سکتے ہیں۔
