سلام آباد میں سیکیورٹی وجوہات کے باعث ریڈ زون میں سرکاری گاڑیوں کے علاوہ دیگر تمام گاڑیوں کا داخلہ بند کر دیا گیا ہے، جبکہ شہر کی اہم شاہراہوں پر ٹریفک کے لیے نئی ہدایات جاری کی گئی ہیں۔
ٹریفک پولیس کے مطابق کشمیر چوک سے سرینہ چوک اور سری نگر ہائی وے کی جانب آمدورفت مکمل طور پر بند رہے گی۔ اسی طرح سیونتھ ایونیو پل سے سرینہ چوک تک سری نگر ہائی وے بھی ٹریفک کے لیے بند ہے۔
بھارہ کہو سے آنے والے شہری کشمیر چوک سے کلب روڈ کے ذریعے اسلام آباد میں داخل ہو سکتے ہیں، جبکہ مری روڈ سے آنے والے افراد کلب روڈ استعمال کرتے ہوئے کشمیر چوک کے راستے بھارہ کہو جا سکتے ہیں۔
زیرو پوائنٹ سے سیونتھ ایونیو فلائی اوور تک دونوں اطراف کی سڑکیں ٹریفک کے لیے کھلی ہیں۔ شہری سیونتھ ایونیو انٹر سیکشن سے G-6، G-7 یا چاند تارہ چوک کی جانب سفر کر سکتے ہیں۔
فیصل ایونیو، مارگلہ روڈ، نواز چوک سے F-7 مرکز اور خیابان چوک سے بلیو ایریا جانے والی سڑکیں بھی ٹریفک کے لیے کھلی رکھی گئی ہیں۔ اس کے علاوہ ناظم الدین روڈ (F-6، F-7 کی جانب) اور فضل حق روڈ (G-6، G-7 کی جانب) بھی آمدورفت کے لیے دستیاب ہیں۔
ٹریفک پولیس نے شہریوں سے اپیل کی ہے کہ وہ جاری کردہ ایڈوائزری کے مطابق سفر کریں تاکہ کسی قسم کی پریشانی سے بچا جا سکے۔
مزید معلومات کے لیے شہری اسلام آباد ٹریفک پولیس کے واٹس ایپ چینل، سوشل میڈیا پیجز یا آئی ٹی پی ایف ایم 92.4 سے رہنمائی حاصل کر سکتے ہیں۔
