میں جی آر پی پولیس نے ایک ماہ قبل پیش آنے والے لرزہ خیز قتل کیس کا معمہ حل کرتے ہوئے سابق پولیس کانسٹیبل رام ویر سنگھ کو اتر پردیش گرفتار کر لیا ہے۔بھارتی میڈیا کے مطابق 12 مارچ کو ہاتھرس روڈ ریلوے ہالٹ کے قریب ایک نامعلوم شخص کی جلی ہوئی لاش ملی تھی۔ ابتدائی طور پر اسے ملزم کی لاش سمجھا گیا، تاہم بعد ازاں تحقیقات میں انکشاف ہوا کہ یہ ایک سوچا سمجھا منصوبہ تھا
پولیس کے مطابق ملزم نے قانونی قدمات سے بچنے کے لیے ایک بے سہارا شخص کو نشانہ بنایا اور اسے زندہ جلا کر اپنی موت کا ڈرامہ رچایا۔ ملزم نے جائے وقوعہ پر اپنا شناختی کارڈ اور دیگر اشیاء چھوڑ دیں تاکہ پولیس اسے ہی مردہ تصور کر کے کیس بند کر دے۔
تحقیقات سے معلوم ہوا کہ رام ویر سنگھ ایک برطرف پولیس اہلکار ہے جس کے خلاف اغوا، قتل، ڈکیتی اور دھوکہ دہی جیسے سنگین جرائم کے متعدد مقدمات درج ہیں۔ انہی الزامات کی بنیاد پر اسے پولیس ملازمت سے نکالا گیا تھا۔
واقعے کے دوران ملزم خود بھی جھلس گیا تھا، جس سے پولیس کو اس تک پہنچنے میں مدد ملی۔ جدید تفتیشی طریقوں کی مدد سے اسے گرفتار کر لیا گیا ہے۔
پولیس حکام کے مطابق مقتول کی شناخت کے لیے کوششیں جاری ہیں جبکہ ملزم کو سخت قانونی کارروائی کا سامنا کرنا پڑے گا۔
