غیر ملکی خاتون سے مبینہ زیادتی کی کوشش کا واقعہ پیش آیا، جس کے بعد پولیس نے کارروائی کرتے ہوئے محمود نامی ملزم کو گرفتار کر لیا۔پولیس کے مطابق متاثرہ خاتون کے والد کی مدعیت میں مقدمہ درج کیا گیا۔ خاتون نے اپنے بیان میں بتایا کہ 17 جولائی کی رات ملزم انہیں گھر چھوڑنے آیا۔ انہوں نے ملزم کو گھر کے اندر آنے کی اجازت دی، جہاں اس نے مبینہ طور پر زیادتی کی کوشش کی۔ خاتون کی مزاحمت اور شور مچانے پر ملزم موقع سے فرار ہوگیا۔پولیس کا کہنا ہے کہ بعد ازاں ملزم اپنا موبائل فون لینے دوبارہ اپارٹمنٹ آیا، تاہم خاتون کے شور مچانے پر وہ ایک بار پھر فرار ہوگیا۔ بعد میں پولیس نے کارروائی کرتے ہوئے اسے گرفتار کر لیا۔
