اسلام آباد: وفاقی وزیر صحت مصطفیٰ کمال نے کہا ہے کہ پاکستان اور چین کے درمیان ہیپاٹائٹس ڈیلٹا وائرس کے جدید علاج کی فراہمی کے لیے اہم کاروباری (B2B) معاہدے پر دستخط کر دیے گئے ہیں، جس کے بعد جدید دوا کی پاکستان میں جلد دستیابی کی راہ ہموار ہو گئی ہے۔اسلام آباد میں چینی کمپنی “ہواہوئی ہیلتھ” کے چیف ایگزیکٹو آفیسر ڈاکٹر بِن چن سے ملاقات کے دوران وزیر صحت نے کہا کہ یہ معاہدہ پاکستان میں جدید علاج کی مقامی سطح پر دستیابی کی جانب ایک اہم سنگ میل ہے۔ ان کے مطابق پاکستان میں اندازاً 10 لاکھ سے زائد افراد ہیپاٹائٹس ڈیلٹا وائرس سے متاثر ہو سکتے ہیں، اور اس معاہدے سے مریضوں کو مؤثر اور جدید علاج تک بہتر رسائی حاصل ہوگی۔
