ویب ڈیسک
انڈین پریمئیر لیگ (آئی پی ایل) میں شرکت کرنے والے انگلینڈ کے کرکٹرز آئندہ ٹی 20 ورلڈ کپ اور پاکستان کے خلاف ٹی 20 سیریز کی تیاری کے لیے وطن واپس روانہ ہوگئے ہیں۔
کرکٹ ویب سائٹ کرک انفو کی رپورٹ کے مطابق، انگلینڈ کے کچھ اہم کھلاڑی، جن میں وِل جیکس، ریس ٹوپلی، جوز بٹلر، فل سالٹ، معین علی، جونی بیئرسٹو، سیم کرن، اور فل سالٹ شامل ہیں، اس ہفتے بھارت سے روانہ ہونے کے لیے تیار ہیں۔
انگلش کرکٹر لیام لیونگسٹون نے اگرچہ گھٹنے کی شدید انجری کا سامنا نہیں کیا تھا، لیکن انہوں نے بھی احتیاط کے طور پر آئی پی ایل چھوڑ دیا ہے۔
انگلینڈ کے کھلاڑیوں کی وطن واپسی پر بھارتی ٹیم کے سابق کپتان سنیل گواسکر نے برہمی کا اظہار کیا ہے اور انہوں نے کھلاڑیوں کے خلاف سخت کارروائی کا مطالبہ کیا ہے۔ ان کا کہنا ہے کہ کھلاڑیوں نے فرنچائزوں اور آئی پی ایل کے ساتھ اپنے معاہدوں کی خلاف ورزی کی ہے اور انہیں اس کی سزا ملنی چاہیے۔
