اسلام آباد:بالی ووڈ کی معروف اداکارہ اور ماڈل دیپیکا پڈوکون نے سوشل میڈیا پر اپنے ‘پریگنینسی فوٹو شوٹ’ کی تصاویر شیئر کی ہیں جو تیزی سے وائرل ہو گئی ہیں۔
انسٹاگرام پر شیئر کی گئی اس پوسٹ میں دیپیکا نے اپنے شوہر رنویر سنگھ کے ساتھ 14 تصاویر کا مجموعہ پیش کیا ہے۔
ان تصاویر میں دیپیکا اور رنویر کو خوشگوار انداز میں دیکھا جا سکتا ہے، اور فوٹو شوٹ کی تھیم بلیک اینڈ وائٹ ہے۔اس پوسٹ کے بعد دیپیکا اور رنویر کے ناقدین خاموش ہو گئے ہیں۔
یاد رہے کہ جب سے انہوں نے اپنے ہاں متوقع بچے کی خبر دی تھی، کچھ سوشل میڈیا صارفین اور میڈیا آؤٹ لیٹس نے دیپیکا کے حمل کو جعلی قرار دیا تھا، اور سروگیسی کے ذریعے ماں بننے کے دعوے بھی کیے گئے تھے۔لیکن دیپیکا کی تازہ تصاویر نے ان تمام دعووں کو بے بنیاد ثابت کر دیا ہے۔
دیپیکا اور رنویر رواں ماہ 28 تاریخ کو اپنے پہلے بچے کا استقبال کریں گے۔ اس تاریخ کی خاص بات یہ بھی ہے کہ دیپیکا کے سابق بوائے فرینڈ رنبیر کپور کا جنم دن بھی اسی روز آتا ہے۔
