اسلام آباد:میٹا کی فوری پیغام رسانی کی ایپلیکیشن، واٹس ایپ، نے ایک نیا فیچر متعارف کر دیا ہے جو صارفین کے جذبات کا اظہار بہت آسان بنا دے گا۔
واٹس ایپ بیٹا انفو کے مطابق، واٹس ایپ ایک گیفی اسٹیکر سرچ فیچر متعارف کر رہا ہے جو صارفین کو چیٹس میں اپنے جذبات کے اظہار کے لیے بہترین اسٹیکرز فراہم کرے گا۔
اس فیچر کی مدد سے، صارفین اپنے جذبات کو بالکل صحیح انداز میں ظاہر کرنے کے لیے مختلف اسٹیکرز تلاش کر سکیں گے۔ صارفین اپنے پسندیدہ اسٹیکرز کو ’موو اسٹیکر ٹو دی ٹاپ‘ کے آپشن کے ذریعے جلدی سے تلاش کر سکیں گے۔
مزید برآں، صارفین اسکرین کے نیچے موجود نئے شارٹ کٹس پر ٹیپ کرکے فوراً تصاویر، ویڈیوز یا گف پر اپنا ردِعمل ظاہر کر سکیں گے۔
اگر ابھی تک آپ کے واٹس ایپ اکاؤنٹ پر یہ فیچر دستیاب نہیں ہے تو پریشان ہونے کی ضرورت نہیں۔ یہ فیچر آنے والے چند ہفتوں میں تمام صارفین کے لیے دستیاب ہو جائے گا۔
اگر اپ ڈیٹ کے بعد بھی یہ فیچر نظر نہیں آتا تو ایپ اسٹور یا ٹیسٹ فلائٹ ایپ سے واٹس ایپ کو باقاعدگی سے اپ ڈیٹ کرنا یقینی بنائیں۔
