باجوڑ علاقہ ناوگئ میں کمرے کی چھت گرنے سے ماں بیٹی جان بحق ، دو افراد زخمی

باجوڑ علاقہ ناوگئ میں بارش کے بعد کمرے کی چھت گرنے سے ماں بیٹی جان بحق ، دو افراد زخمی
تفصیلات کے مطابق ضلع باجوڑ علاقہ خڑیان ناوگئ میں مسلسل بارش سے مکان کی چھت گر گئ جس سے ماں بیٹی جان بحق جبکہ مالک مکان محمد ادریس اور ایک بیٹا دو سالہ معاویہ شدید زخمی ہوگیا ۔

جان بحق ہونے والوں میں حبیبہ بی بی زوجہ محمد ادریس عمر 25/26 سال اور فریال دختر محمد ادریس عمر تقریباً 6/7 سال کے نام شامل ہیں ۔

جبکہ معاویہ ولد محمد ادریس عمر تقریباً 2 سال اور مالک مکان محمد ادریس ولد عبد الغفار عمر تقریباً 26 سال شدید زخمی ہوئے ہیں ۔ ملبے تلے تمام لاشوں کو نکال لیا گیا ہے ۔

ڈی ایس پی عبد العزیز خان کے مطابق واقعہ کے اطلاع ملتے ہی پولیس کے جوان اور ریسکیو1122 کی ٹیمیں فوری طور جائے وقوعہ پر پہنچی اور امدادی کارروائیاں شروع کی۔ زخمیوں کو قریبی ہسپتال منتقل کردیا گیا ہے.