اسلام آباد:بلوچستان میں بارش اور برف باری کا دوسرا سسٹم آج سےاثرانداز ہونے کا امکان ہے، جو کہ صوبے کے مختلف علاقوں میں موسم کی شدت کو بڑھا سکتا ہے۔
مختلف صوبوں کے بعض مقامات پر بارش اور پہاڑوں پر ہلکی برفباری کی پیش گوئی کی گئی ہے، جبکہ سندھ کے ساحلی علاقوں میں ابر آلود رہنے اور ہلکی بوندا باندی کا امکان ہے۔
موسمیاتی ماہرین کے مطابق، چوبیس فروری سے ایک غیر معمولی برفیلے موسمی سسٹم کے بلوچستان اور سندھ پر اثر انداز ہونے کا امکان ہے۔
بلوچستان کے شمالی اضلاع میں مطلع ابر آلود رہنے کے ساتھ موسم سرد ہے۔ آج کوئٹہ، زیارت اور قلات سمیت صوبے کے دس اضلاع میں تیز ہواؤں اور گرج چمک کے ساتھ بارش جبکہ پہاڑی علاقوں میں ہلکی برف باری کا امکان ہے۔
محکمۂ موسمیات نے بتایا کہ وادی کوئٹہ اور گرد و نواح میں صبح سے مطلع ابر آلود رہنے کے ساتھ شہر کے مختلف علاقوں میں ہلکی بارش بھی ہوئی ہے۔
کوئٹہ میں کم سے کم درجۂ حرارت دو ڈگری سینٹی گریڈ ریکارڈ کیا گیا جبکہ زیارت، قلات اور مستونگ سمیت صوبے کے شمالی اضلاع میں موسم سرد اور خشک ہے۔
محکمۂ موسمیات نے مزید بتایا کہ گزشتہ روز بارش اور برف باری کے بعد کے بیشتر حصوں میں آج موسم خشک رہے گا۔
مزید پرئیے:https://urdu.thepenpk.com/?p=6259
