نیوزڈیسک
اسلام آباد: وفاقی دارالحکومت کے علاقے نور پور شاہاں میں ایک غریب باپ صداقت علی اپنی نوجوان بیٹیوں کی عزت کی حفاظت کے لیے بے بس ہو گیا ہے۔
علاقہ کے کچھ موالی لڑکے اور لوفر نوجوان، اس کی معصوم بیٹیوں کو راہ چلتے مسلسل تنگ کرتے اور دوستی کے نام پر دھمکیاں دیتے ہیں۔
صداقت علی کا کہنا ہے کہ ان کی دونوں بیٹیاں ٹیوشن کے لیے گھر سے نکلتی ہیں، مگر راستے میں بااثر موالی لڑکے انہیں بلاوجہ تنگ کرتے ہیں، جس کی وجہ سے انہیں اپنی بیٹیوں کو ٹیوشن جانا بھی روکنا پڑا۔
سمیر اور راحیل نامی نوجوان ان کی بیٹیوں کو دوستی کے لیے مجبور کرنے کی کوشش کرتے ہیں اور انکار پر جان سے مارنے کی دھمکیاں بھی دیتے ہیں۔
یہ غریب اور عزت دار باپ اپنی بیٹیوں کی عزت کی حفاظت کے لیے ایس پی دفتر پہنچا اور وہاں موالی لڑکوں کے خلاف درخواست درج کروائی، مگر بدقسمتی سے ابھی تک اس پر کوئی کارروائی نہیں ہوئی۔
