اسلام آباد:سعودی وزارتِ شماریات کے مطابق اس سال سولہ لاکھ تہتر ہزار دو سو تیس فرزندانِ توحید نے بیت اللہ کا رخ کرتے ہوئے حج کا عظیم فریضہ ادا کرنے کی سعادت حاصل کی۔
ان میں سے پندرہ لاکھ چھ ہزار پانچ سو چھہتر عازمین کا تعلق بیرونِ ملک سے تھا، جو ایک سو اکہتر مختلف ممالک سے آئے، جبکہ اندرونِ ملک سے ایک لاکھ چھیاسٹھ ہزار چھ سو چون افراد نے حج ادا کیا۔
حکام کے مطابق مجموعی حجاج میں مردوں کی تعداد آٹھ لاکھ ستتر ہزار آٹھ سو اکتالیس اور خواتین کی تعداد سات لاکھ پچانوے ہزار تین سو نواسی رہی۔
بیرونِ ملک سے آنے والے حجاج میں سے چودہ لاکھ پینتیس ہزار سترہ افراد فضائی راستے سے، چھیاسٹھ ہزار چار سو پینسٹھ بری راستے سے، اور پانچ ہزار چورانوے بحری راستے سے سعودی عرب پہنچے۔
مزید پرئیے:https://urdu.thepenpk.com/?p=6825
واضح رہے کہ گزشتہ سال مجموعی طور پر اٹھارہ لاکھ (1.8 ملین) افراد نے حج ادا کیا تھا، جن میں سے سولہ لاکھ (1.6 ملین) بیرونِ ملک سے آئے تھے۔
دریں اثنا، مسجد الحرام کے امام، شیخ ڈاکٹر صالح بن عبداللہ نے خطبۂ حج دیتے ہوئے کہا “اے ایمان والو! اللہ سے ڈرو اور تقویٰ اختیار کرو۔”
اللہ تعالیٰ پر ایمان لاؤ، اُسے اپنا رب اور خالق مانو، کیونکہ ساری کائنات کی تکمیل اُسی کے حکم سے ہوئی ہے۔
اُس کے عذاب سے ڈرتے ہوئے اُسی سے مانگو۔ اللہ کے نیک بندے اُس کے احکامات کی پیروی کرتے ہیں۔
انہوں نے مزید کہا کتابوں پر ایمان لانا یہ ہے کہ ان کا نزول آسمان سے ہوا ہے۔ اس دین کو مضبوطی سے تھام لو جسے اللہ تعالیٰ نے آج کے دن مکمل فرمایا۔
