نیوزڈیسک
اسلام آباد:فیلڈ مارشل سید عاصم منیر نے چینی وزیر خارجہ وانگ ژی سے ملاقات کی، جس میں دونوں رہنماؤں نے خطے میں امن، استحکام اور خوشحالی کے فروغ کے لیے مشترکہ عزم کا اعادہ کیا۔ اس موقع پر فیلڈ مارشل نے چین کی مستقل حمایت پر شکریہ بھی ادا کیا۔
چینی وزیر خارجہ نے پاکستان کی ترقی اور خود مختاری کے لیے اپنی حمایت جاری رکھنے کا عزم ظاہر کیا۔
ملاقات میں علاقائی و عالمی فورمز پر رابطہ کاری بڑھانے، علاقائی سلامتی، دہشت گردی کے خلاف اقدامات اور باہمی دلچسپی کے دیگر امور پر بھی تبادلہ خیال کیا گیا۔
اس سے قبل وانگ ژی نے وزیراعظم شہباز شریف، نائب وزیراعظم و وزیر خارجہ اسحاق ڈار، اور صدر آصف علی زرداری سے ملاقاتیں کیں۔
وزیراعظم نے بیجنگ کے ساتھ اہم شعبوں میں تعلقات مزید مضبوط کرنے کی خواہش ظاہر کی۔
اسی دوران اسلام آباد میں پاک-چین وزرائے خارجہ کا چھٹا اسٹریٹجک ڈائیلاگ بھی ہوا، جس میں سی پیک 2.0، تجارتی و اقتصادی تعلقات، کثیرالجہتی تعاون اور عوامی روابط سمیت کئی شعبوں پر تبادلہ خیال کیا گیا۔
چینی وزیر خارجہ نے کہا کہ پاکستان کے ساتھ صنعت، زراعت اور کان کنی میں تعاون کے لیے تیار ہیں اور بیجنگ پاکستان کی خودمختاری اور علاقائی سالمیت کی حمایت جاری رکھے گا۔
ینیٹر اسحاق ڈار نے کہا کہ دونوں ممالک دوطرفہ، علاقائی اور عالمی امور پر مکمل ہم آہنگی رکھتے ہیں اور مقصد سی پیک کو اگلے مرحلے میں لے جانا ہے۔
چھٹے اسٹریٹجک ڈائیلاگ میں سی پیک کو گروتھ کوریڈور، عوامی فلاحی کوریڈور، گرین کوریڈور اور اوپن کوریڈور میں اپ گریڈ کرنے پر اتفاق ہوا۔
چینی وزیر خارجہ نے سی پیک کو پاک-چین اسٹریٹجک شراکت داری کی بنیاد قرار دیتے ہوئے کہا کہ صنعتی، زرعی اور معدنی شعبوں میں تعاون کو گہرا کیا جائے گا تاکہ پاکستانی عوام کی فلاح و بہبود بہتر ہو اور معیشت مضبوط ہو
