ایران میں سپریم لیڈر علی خامنہ ای کی شہادت کے بعد تین رکنی عارضی کونسل قیادت سنبھالے گی

تہران(ویب ڈیسک)ایران کے سپریم لیڈر علی خامنہ ای کی شہادت کے بعد ملک کی قیادت کون سنبھالے گا، یہ واضح ہو گیا ہے۔

سرکاری خبر رساں ایجنسی ارنا کے مطابق، ایران میں اقتدار کی عارضی منتقلی کے لیے تین رکنی کونسل قائم کی جائے گی۔ اس کونسل میں ایرانی صدر مسعود پیزشکیان، عدلیہ کے سربراہ اور گارڈین کونسل کا ایک فقیہ شامل ہوگا۔

کونسل ملک کی مستقل قیادت کے تعین تک عارضی طور پر تمام انتظامی اور سیاسی فرائض سنبھالے گی۔ ایران میں اس اقدام کو ملکی استحکام اور آئینی عمل کے تحت ضروری قرار دیا جا رہا ہے۔

تجزیہ کاروں کے مطابق، سپریم لیڈر کی شہادت اور عارضی کونسل کی تشکیل سے خطے میں سیاسی کشیدگی اور طاقت کے توازن پر اثر پڑنے کا امکان ہے۔