تہران (ویب ڈیسک) علی خامنہ ای کی شہادت پر ایران میں سات روزہ تعطیل اور چالیس روزہ سوگ کا اعلان کر دیا گیا ہے۔
ایرانی سرکاری میڈیا کے مطابق سپریم لیڈر اسرائیلی اور امریکی حملے میں جاں بحق ہوئے۔ حکومت کی جانب سے ملک بھر میں سات روزہ عام تعطیل کا اعلان کیا گیا ہے جبکہ چالیس روز تک سرکاری سطح پر سوگ منایا جائے گا۔
ایرانی شہر مشہد میں واقع امام رضا روضہ پر سیاہ پرچم لہرا دیا گیا ہے اور شہریوں کی بڑی تعداد وہاں جمع ہو رہی ہے۔
دارالحکومت تہران میں عوام کی بڑی تعداد انقلاب اسکوائر پر موجود ہے جہاں تعزیتی اجتماعات جاری ہیں۔
ادھر عراق کے دارالحکومت بغداد میں بھی احتجاجی مظاہرے کیے گئے۔ مظاہرین نے گرین زون کی جانب مارچ کیا اور امریکی سفارت خانے کی طرف بڑھنے کی کوشش کی، جس دوران سیکیورٹی فورسز کے ساتھ جھڑپوں کی اطلاعات موصول ہوئی ہیں۔
تاہم ان دعوؤں کی آزاد ذرائع سے مکمل تصدیق تاحال سامنے نہیں آئی ہے۔ صورتحال پر عالمی برادری کی نظریں مرکوز ہیں اور مزید تفصیلات کا انتظار ہے۔
