واشنگٹن: امریکی صدر ڈونلڈ ٹرمپ نے ایران کو “شیطانی سلطنت” قرار دیتے ہوئے کہا ہے کہ ایران کو ایٹمی طاقت بننے سے روکنا اور مشرقِ وسطیٰ سمیت دنیا کو تباہی سے بچانا ان کی اولین ترجیحات میں شامل ہے۔عالمی سطح پر تیل کی بڑھتی قیمتوں اور مشرقِ وسطیٰ میں جاری کشیدگی کے باعث توانائی کی عالمی منڈی میں غیر یقینی صورتحال پیدا ہو گئی ہے۔ ایسے میں صدر ٹرمپ نے اپنے حالیہ بیان میں کہا کہ تیل کی قیمتیں جلد اس حد تک کم ہو جائیں گی جس کا کسی کو اندازہ بھی نہیں ہوگا۔ان کا کہنا تھا کہ تیل کی بلند قیمتیں اس وقت امریکا کے لیے بھاری منافع کا ذریعہ بن رہی ہیں، تاہم جلد ہی عالمی منڈی میں قیمتوں میں نمایاں کمی دیکھنے کو ملے گی۔صدر ٹرمپ نے انکشاف کیا کہ تقریباً 32 ممالک نے اپنے تیل کے ذخائر عالمی مارکیٹ میں لانے کا فیصلہ کیا ہے جس سے سپلائی میں اضافہ اور قیمتوں میں کمی متوقع ہے۔ انہوں نے یہ بھی واضح کیا کہ امریکا آبنائے ہرمز کی صورتحال پر گہری نظر رکھے ہوئے ہے تاکہ عالمی تیل کی سپلائی متاثر نہ ہو۔دوسری جانب امریکی وزیر خزانہ نے اعلان کیا ہے کہ سمندر میں موجود روسی تیل کی خریداری کے لیے عارضی اجازت دی جا رہی ہے تاکہ عالمی سپلائی چین کو سہارا دیا جا سکےامریکی اقدامات کے ردعمل میں ایرانی فوج نے سخت وارننگ جاری کرتے ہوئے کہا ہے کہ دنیا کو 200 ڈالر فی بیرل خام تیل خریدنے کے لیے تیار رہنا چاہیے۔ایرانی حکام کا دعویٰ ہے کہ امریکا تیل کی قیمتوں کو کنٹرول کرنے میں ناکام رہے گا اور وہ امریکا، اسرائیل یا ان کے اتحادیوں تک تیل کا ایک لیٹر بھی نہیں پہنچنے دیں گے۔ایران نے مزید خبردار کیا کہ اگر اس کے مفادات کو نقصان پہنچایا گیا تو وہ عالمی سطح پر تیل کی ترسیل روکنے کی مکمل صلاحیت رکھتا ہے۔
