ٹیکنالوجی کمپنی Google نے اپنی مقبول نیویگیشن ایپ Google Maps کے لیے ایک بڑی اپ ڈیٹ کا اعلان کیا ہے جسے کمپنی نے گزشتہ ایک دہائی کی سب سے اہم بہتری قرار دیا ہے۔ اس اپ ڈیٹ میں جدید مصنوعی ذہانت اور عمیق 3D نیویگیشن جیسے جدید فیچرز شامل کیے گئے ہیں۔اس اپ ڈیٹ کے دو بڑے فیچرز “Ask Maps” اور “Immersive Navigation” ہیں، جن کا مقصد نیویگیشن کو زیادہ آسان، ذہین اور ذاتی نوعیت کا بنانا ہے۔Ask Maps فیچر جدید اے آئی ماڈل Gemini پر مبنی ہے۔ اس کے ذریعے صارفین ایپ سے گفتگو کے انداز میں سوالات پوچھ سکتے ہیں، جیسے کہ قریبی پرسکون جگہ کہاں ہےجہاں وہ آرام سے بیٹھ سکیں یا فون چارج کر سکیں۔ ایپ اس کے مطابق قریبی مقامات کی تجاویز فراہم کرے گی۔گوگل کے مطابق یہ فیچر 300 ملین سے زائد مقامات کے ڈیٹا اور 500 ملین سے زیادہ صارفین کے جائزوں کی بنیاد پر تجاویز فراہم کرتا ہے اور صارفین کی سابقہ ترجیحات کو بھی مدنر رکھتا ہے۔
دوسرا اہم فیچر Immersive Navigation ہے، جو ایک جدید 3D نیویگیشن سسٹم فراہم کرتا ہے۔ اس کے ذریعے صارفین راستوں، عمارتوں اور اطراف کے ماحول کو زیادہ حقیقت کے قریب انداز میں دیکھ سکیں گے۔ اس میں لینز، کراس واک، ٹریفک سگنلز اور اسٹاپ سائنز واضح طور پر دکھائے جائیں گے۔
اس اپ ڈیٹ میں دیگر سہولیات بھی شامل ہیں، جن میں جدید روٹ الرٹس، قدرتی صوتی نیویگیشن، منزل کے قریب پارکنگ تجاویز، سڑکوں کی رکاوٹوں کے ریئل ٹائم الرٹس اور متبادل راستوں کی بہتر معلومات شامل ہیں۔کمپنی کے مطابق Ask Maps فیچر ابتدائی طور پر امریکہ میں iOS اور اینڈرائیڈ صارفین کے لیے دستیاب ہوگا، جبکہ Immersive Navigation بھی مرحلہ وار دیگر پلیٹ فارمز جیسے Apple CarPlay اور Android Auto تک متعارف کرایا جائے گا۔ماہرین کے مطابق یہ اپ ڈیٹ مصنوعی ذہانت اور جدید نیویگیشن کو یکجا کر کے ایپ کے استعمال کے انداز کو نمایاں طور پر تبدیل کر سکتی ہے۔
