تہران (ویب ڈیسک): ایران کے شمال مشرقی علاقے میں جاسوسی کے الزام میں سینکڑوں افراد کو گرفتار کر لیا گیا ہے۔
غیر ملکی میڈیا رپورٹس کے مطابق یہ گرفتاریاں پاسدارانِ انقلاب کے انٹیلی جنس ادارے نے کارروائی کے دوران کیں۔
رپورٹس میں کہا گیا ہے کہ زیرِ حراست افراد پر حساس تنصیبات سے متعلق معلومات اکٹھی کرنے اور ممکنہ فیلڈ آپریشنز کی تیاری کا الزام ہے۔ ایرانی میڈیا کے مطابق گرفتار افراد کی قومیت کے بارے میں کوئی تفصیل جاری نہیں کی گئی۔
محسن رضائی کی تقرری
دوسری جانب ایران کے سپریم لیڈر مجتبیٰ خامنہ ای نے محسن رضائی کو اپنا فوجی مشیر مقرر کر دیا ہے۔
محسن رضائی پاسدارانِ انقلاب کے سابق کمانڈر رہ چکے ہیں اور ماضی میں ایران کے نائب صدر کے عہدے پر بھی فائز رہے۔ ان کی تقرری کو خطے میں بڑھتی ہوئی کشیدگی کے تناظر میں اہم قرار دیا جا رہا ہے۔
آبنائے ہرمز سے متعلق اعلان
محسن رضائی نے آبنائے ہرمز کو بحری آمد و رفت کے لیے بند رکھنے کا اعلان کرتے ہوئے کہا ہے کہ کسی بھی امریکی جہاز کو خلیج فارس میں داخل نہیں ہونے دیا جائے گا۔
