کراچی: شہر قائد میں عید منانے گھر جانے والے ایک محنت کش کو نامعلوم افراد نے اس کے بیٹے کے سامنے فائرنگ کر کے قتل کر دیا۔تفصیلات کے مطابق یہ واقعہ سپر ہائی وے پر جمالی پل کے قریب پیش آیا، جہاں موٹر سائیکل سوار ملزمان نے اندھا دھند فائرنگ کر کے ایک شخص کو نشانہ بنایا۔مقتول کی شناخت رحیم بخش کے نام سے ہوئی ہے، جو کراچی میں ڈرائیونگ کر کے اپنے اہل خانہ کا پیٹ پالتا تھا۔ وہ اپنے بیٹے کے ہمراہ عید منانے کے لیے سکھر جا رہا تھا۔مقتول کے بیٹے کے مطابق وہ بس اڈےپہنچنے سے قبل جمالی پل کے قریب چشمہ خریدنے کے لیے رکے تھے کہ اسی دوران دو موٹرسائیکلسوارملزمان آئے اور فائرنگ کر دی۔ ایک گولی رحیم بخش کے سینے میں لگی جو جان لیوا ثابت ہوئی۔بیٹے کا کہنا ہے کہ ان کی کسی سے کوئی دشمنی نہیں تھی اور وہ محنت مزدوری کر کے گزر بسر کر رہے تھے۔مقتول کے ورثاء نے پولیس سے مطالبہ کیا ہے کہ قاتلوں کو فوری گرفتار کر کے انصاف فراہم کیا جائے۔پولیس کے مطابق واقعے کی تحقیقات جاری ہیں، تاہم ابھی تک قتل کے محرکات سامنے نہیں آ سکے۔حکام یہ تعین کرنے کی کوشش کر رہے ہیں کہ آیا واقعہ ڈکیتی میں مزاحمت کا نتیجہ ہے یا کسی ذاتی دشمنی کا شاخسانہ۔
