برگر اور دیسی کلچر پر محب مرزا کا دلچسپ تبصرہ، صنم سعید سے محبت کی کہانی بھی سنا دی

محب مرزا نے حال ہی میں ہنسنا منع ہے میں شرکت کے دوران جدید رشتوں اور ثقافتی فرق پر دلچسپ انداز میں گفتگو کی۔ پروگرام کے میزبان تابش ہاشمی کے سوال پر انہوں نے “برگر” اور “دیسی” کلچر کے امتزاج پر اپنی رائے دی۔

محب مرزا نے کہا کہ برگر خواتین دیسی مردوں کو پسند کرتی ہیں، لیکن اس کے لیے ضروری ہے کہ مرد غیر مناسب یا عجیب رویہ اختیار نہ کریں۔ ان کے مطابق اگر مرد توازن، شائستگی اور سمجھداری کا مظاہرہ کریں تو ایسے رشتے کامیاب رہتے ہیں۔ انہوں نے مزید کہا کہ اکثر مخالف مزاج رکھنے والے افراد ایک دوسرے کی طرف زیادہ متوجہ ہوتے ہیں۔

اداکار کے ان خیالات نے شو کے دوران حاضرین کو خوب محظوظ کیا اور جدید تعلقات میں ثقافتی فرق کو مزاحیہ انداز میں اجاگر کیا۔

دریں اثنا، محب مرزا نے اپنی اہلیہ صنم سعید سے محبت کی کہانی بھی شیئر کی۔ انہوں نے بتایا کہ ڈرامہ دیدن کی شوٹنگ کے دوران ان کے دل میں صنم سعید کے لیے جذبات پیدا ہوئے۔ ان کا کہنا تھا کہ ایک موقع پر انہیں محسوس ہوا کہ یہی وہ لمحہ تھا جب محبت کا آغاز ہوا۔

یاد رہے کہ محب مرزا اس سے قبل اداکارہ آمنہ شیخ سے شادی شدہ تھے، تاہم علیحدگی کے بعد انہوں نے صنم سعید سے نکاح کیا، جس کا اعلان حال ہی میں کیا گیا۔