سکردو کی برف پوش پہاڑیوں میں پاکستان سپر لیگ (پی ایس ایل) کے 11ویں ایڈیشن کی آئیکونک انفینٹی ٹرافی کی نمائش نے شائقین کو مسحور کر دیا۔ ٹرافی اپنے ملک گیر دورے کے دوران سکردو پہنچی، جہاں اسے مختلف خوبصورت مقامات پر پیش کیا گیا۔ان مقامات میں سکردو ایئرپورٹ، کچورا جھیل اور دریائے سندھ شاملہیں۔ برف سے ڈھکے پہاڑوں اور دلکش مناظر نے ٹرافی کی رونمائی کو یادگار بنا دیا۔پی ایس ایل سیزن 11 کا آغاز 26 مارچ سے ہوگا جبکہ فائنل 3 مئی کو کھیلا جائے گا۔ اس سالٹورنامنٹ میں 44 میچز کھیلے جائیں گے اور پہلی بار آٹھ ٹیمیں شرکت کریں گی، جن میں نئی فرنچائزز حیدرآباد کنگز اور راولپنڈی ٹیم شامل ہیں۔دریں اثنا، لیگ کے لیے ٹکٹوں کی فروخت بھی شروع ہو چکی ہے۔ شائقین آن لائن ٹکٹ خرید سکتے ہیں جبکہ فزیکل ٹکٹیں 24 مارچ سے مخصوص مراکز پر دستیاب ہوں گی۔افتتاحی میچ 26 مارچ کو لاہور میں کھیلا جائے گا، جس میں دفاعی چیمپئن لاہور قلندرز کا مقابلہ نئی ٹیم حیدرآباد کنگز سے ہوگا، جو ٹورنامنٹ کے آغاز کو مزید دلچسپ بنائے گا۔
