اسلام آباد / لندن (نیوز ڈیسک) – ناصر بٹ، نون لیگ کے سینیٹر، نے اڈیالہ جیل میں قید سابق وزیر اعظم عمران خان کے بیٹوں قاسم اور سلیمان کو پاکستان آنے کی پیشکش کر دی۔
سینیٹر ناصر بٹ نے لندن میں پاکستانی ہائی کمشنر ڈاکٹر محمد فیصل سے ملاقات کے بعد میڈیا سے گفتگو میں کہا کہ عمران خان کے بیٹے پاکستان دشمنی کا ثبوت دے رہے ہیں اور ان پر قانونی کارروائی ہونی چاہیے۔
انہوں نے مزید کہا کہ قاسم اور سلیمان کے پاس نائیکوپ کارڈ موجود ہے اور وہ انہیں دعوت دیتے ہیں کہ میرے ساتھ پاکستان آئیں، کوئی گرفتار نہیں کرے گا۔
سینیٹر نے کہا کہ پاکستان میں بہتری آ رہی ہے، لیکن اڈیالہ جیل میں بیٹھے ایک شخص کی پارٹی خوش نہیں ہے، جبکہ پی آئی اے کے لندن پروازوں کا دوبارہ آغاز ملک کی ترقی کی نشانی ہے۔ انہوں نے الزام لگایا کہ پی ٹی آئی کے کسی وزیر کے بیان کی وجہ سے ایئر لائن کی پروازیں بند کرائی گئی تھیں۔
