خیرپور (ویب ڈیسک): خیرپور کی ماڈل کورٹ نے 13 سال قبل قتل کی گئی خاتون کے مقدمے کا فیصلہ سناتے ہوئے 3 خواتین سمیت 6 مجرموں کو سزائے موت کا حکم دے دیا۔
تفصیلات کے مطابق 2013 میں خیرپور کے علاقے ابڑی میں غلام سکینہ کو اغوا کے بعد بے دردی سے قتل کر کے لاش چھپا دی گئی تھی، جس کے مقدمے میں عدالت نے جرم ثابت ہونے پر سخت سزا سنائی۔
عدالت نے عابد شاہ، نیاز شاہ، در محمد، مسمات کلثوم، مسمات نثار بیگم اور مسمات دلشاد بیگم کو سزائے موت سنائی، جبکہ تمام مجرموں پر ایک، ایک لاکھ روپے جرمانہ بھی عائد کیا گیا۔
یہ مقدمہ تھانہ ببرلو میں درج کیا گیا تھا، جبکہ مقتولہ کے اہل خانہ گزشتہ 13 برس سے انصاف کے منتظر تھے۔
ماڈل کورٹ نے شواہد اور گواہوں کے بیانات کی روشنی میں تمام نامزد ملزمان کو قصوروار قرار دیتے ہوئے سخت ترین سزا کا حکم دیا۔
