ویب ڈیسک
ویسٹ انڈیز کے آل راؤنڈر کرکٹر آندرے رسل صرف میدان ہی نہیں بلکہ اب موسیقی کی دنیا میں بھی اپنی صلاحیتوں کا مظاہرہ کر رہے ہیں۔
انہوں نے حال ہی میں اپنا پہلا گانا “لڑکی تو کمال کی” ریلیز کیا ہے، جس میں ان کی آواز بھارتی گلوکارہ پلک مکھل کے ساتھ مل کر جادو بکھیر رہی ہے۔
یہ گانا مشہور بھارتی موسیقار پلاش مکھل کی تخلیق ہے، جو اپنے رومانوی گانوں کے لیے جانے جاتے ہیں۔ دلچسپ بات یہ ہے کہ میوزک ویڈیو میں آندرے رسل اور پلک مکھل کے علاوہ ٹیلی ویژن اداکارہ ایویکا گور بھی جلوہ گر ہوں گی۔
بتایا جاتا ہے کہ پلاش مکھل نے فوٹو اور ویڈیو شیئرنگ ایپ انسٹاگرام پر اس نئے گانے کا پوسٹر شیئر کیا ہے، جس میں آندرے رسل اور ایویکا گور کی تصاویر دیکھی جا سکتی ہیں۔
پوسٹر کے مطابق، آندرے رسل کا پہلا گانا ’لڑکی تو کمال کی‘رواں ماہ 9 مئی کو ریلیز ہوگا۔
