نیوز ڈیسک
امریکی ریپر جون اتھن ایچ اسمتھ (جو لِل جون کے نام سے مشہور ہیں) نے اسلام قبول کرلیا۔
انہوں نے انسٹاگرام پر پوسٹ لگا کر اس خبر کی تصدیق کی، جہاں انہوں نے لکھا کہ ’الحمد للّٰہ، ان تمام لوگوں کا شکریہ جنہوں نے مجھے مثبت پیغامات بھیجے اور مجھ سے بےلوث محبت کا اظہار کیا۔ گزشتہ ہفتے 15 مارچ کو جون نے کیلیفورنیا کی کنگ فہد مسجد میں سیکڑوں لوگوں کے سامنے کلمہ پڑھ کر دائرہ اسلام میں داخل ہوئے۔
سوشل میڈیا پر شیئر کی گئی ویڈیو میں امریکی ریپر کو امام مسجد کی رہنمائی میں پہلے عربی اور پھر انگریزی میں کلمہ پڑھتے دیکھا جاسکتا ہے۔ لِل جون نے اپنے کیریئر میں بہت سے گانے گائے ہیں جس کی وجہ سے وہ مشہور ہوئے۔
ان کے علاوہ نامور سائنسدان ہنری لارسن اور ایکٹیوسٹ شان کنگ بھی دائرہ اسلام میں داخل ہوچکے ہیں۔
