اسلام اباد:پاکستانی ڈرامہ انڈسٹری کے معروف رائٹر خلیل الرحمٰن قمر نے اپنے حالیہ پوڈ کاسٹ انٹرویو میں انکشاف کیا ہے کہ اغوا کار خاتون نے ان سے گفتگو کے دوران اداکار نعمان اعجاز اور اداکارہ صبا قمر کا بھی ذکر کیا۔
خاتون نے قمر سے پوچھا کہ انہوں نے نعمان اعجاز کو گالیاں کیوں دی تھیں۔
خلیل الرحمٰن قمر نے بتایا کہ انہوں نے رات گئے خاتون سے ملنے جانے کے بعد تشدد کا نشانہ بنایا گیا۔ قمر نے کہا کہ خاتون نے گھر میں داخل ہونے کے بعد فوراً متعدد افراد کو بلوایا جنہوں نے ان پر حملہ کیا۔
پوڈ کاسٹ میں قمر نے مزید کہا کہ اگرچہ انہوں نے نعمان اعجاز اور صبا قمر کے بارے میں سخت الفاظ کہے ہیں، مگر ان کا خیال ہے کہ نہ تو نعمان اعجاز اور نہ ہی صبا قمر ایسی شخصیت ہیں جو انہیں نقصان پہنچائیں۔
قمر نے دونوں اداکاروں کی پیشہ ورانہ صلاحیتوں کا اعتراف کیا اور کہا کہ وہ آج بھی انہیں بہترین اداکار سمجھتے ہیں۔
قمر نے عوام سے شکوہ کرتے ہوئے کہا کہ وہ ٹرولنگ کے باوجود کسی کو بد دعا نہیں دے رہے، اور انہیں امید ہے کہ عوام ان کی عزت کریں گے۔ انہوں نے کہا کہ خواتین کی عزت ان کے لئے بہت اہم ہے اور وہ خواتین کی عزت کو انتہائی اہمیت دیتے ہیں۔
یہ واقعہ اس وقت سامنے آیا جب کچھ دن پہلے رپورٹ ہوئی تھی کہ ایک خاتون کی سربراہی میں ایک گینگ نے خلیل الرحمٰن قمر کو اغوا کر لیا تھا۔ اغوا کاروں نے قمر کو مبینہ تشدد کا نشانہ بنایا اور ان سے نقدی اور سامان بھی لوٹ لیا تھا۔ پولیس نے مقدمہ درج کرتے ہوئے مرکزی ملزمہ آمنہ عروج اور دیگر افراد کو گرفتار کر لیا ہے، جبکہ ملزمہ تاحال جیل میں ہے۔
