اسلام آباد: پاکستانی رئیلیٹی شو ‘تماشا’ کے کھلاڑی عمر عالم نے ارشد ندیم کو سسر کی جانب سے تحفے میں بھینس ملنے پر دلچسپ تبصرہ کیا ہے۔
یہ بات قابلِ ذکر ہے کہ گزشتہ ہفتے پیرس اولمپکس 2024ء میں قومی جیویلن کھلاڑی ارشد ندیم نے 40 سال بعد گولڈ میڈل جیت کر قوم کا سر فخر سے بلند کر دیا ہے۔
پاکستان کے مختلف شعبوں سے تعلق رکھنے والی مشہور شخصیات نے ارشد ندیم کے لیے بھاری رقم اور قیمتی تحائف کا اعلان کیا ہے۔
جہاں ارشد ندیم کو پاکستان اور دنیا بھر سے پذیرائی مل رہی ہے، وہیں ان کے سسر نے اپنے داماد کے گولڈ میڈل جیتنے پر تحفے میں بھینس دینے کا اعلان کیا ہے۔
اس خبر نے سوشل میڈیا پر دھوم مچا دی ہے اور صارفین خوشگوار حیرانی کا اظہار کر رہے ہیں۔ اداکار عمر عالم نے بھی اس پر ردِ عمل دیا ہے۔
عمر عالم نے یہ خبر اپنے انسٹاگرام اکاؤنٹ کی اسٹوری پر شیئر کرتے ہوئے لکھا ہے: ‘باقی سارے تحائف ایک طرف اور سسرالیوں کی بھینس ایک طرف۔’
