اسلام آباد:پاکستانی شوبز انڈسٹری کی خوبرو اداکارہ اور ماڈل ماورہ حسین نے اپنی شادی کے معاملات سے متعلق مداحوں کو آگاہ کیا ہے۔
2011ء میں شوبز کی دنیا میں قدم رکھنے والی 31 سالہ ماورہ حسین اب تک غیر شادی شدہ ہیں۔
مداحوں اور فالوورز کی جانب سے ماورہ کی شادی اور ہونے والے دولہے کے بارے میں بے حد تجسس پایا جاتا ہے، جس کی وجہ سے اداکارہ سے ہر انٹرویو میں شادی کے بارے میں سوالات کیے جاتے ہیں۔
اسی حوالے سے، ماورہ حسین نے حال ہی میں فوٹو اینڈ ویڈیو شیئرنگ ایپ انسٹاگرام پر ایک نئی اسٹوری شیئر کی ہے۔
بالی ووڈ فلم ‘صنم تیری قسم’ کی اداکارہ ماورہ حسین نے اپنی دلچسپ انسٹاگرام اسٹوری میں مداحوں کو بتایا کہ ’مجھے قبول ہے، مجھے قبول ہے، مجھے قبول ہے’۔
شادی کا مقام طے ہو چکا ہے، ہم سب تیار ہیں، بس دولہا تلاش کرنے کی ضرورت ہے۔
لالی ووڈ فلم ‘یہ جوانی ہے دیوانی’ کی اداکارہ کی یہ اسٹوری سوشل میڈیا پر وائرل ہو گئی ہے اور صارفین اس پر دلچسپ تبصرے کر رہے ہیں۔
